1st song
കരുണാദയ സാഗരമേ
പ്രിയ നാഥന്‍ യേശുവേ
വരുന്നിതാ നിന്‍ സവിധേ
നിന്‍ മക്കള്‍ താഴ്മയായ്‌
നിറയ്ക്കണേ നിന്‍ സ്നേഹം
നാഥാ നിന്‍ ദാസരില്‍
നല്‍കണേ നല്‍ വരം
നാഥാ നിന്‍ മക്കളില്‍ (കരുണാദയ..)
1
കൂരിരുളിന്‍ താഴ്വരയില്‍
ഏകനായി തീര്‍ന്നുവോ
കാത്തുപാലിച്ചീടും എന്നെ
തന്‍ കരങ്ങളാല്‍ (2)
ശരണാര്‍ത്ഥിയായ്‌ തിരുസന്നിധേ
അണയുന്നിതാ, അഭയം നീ എകീടണമേ (കരുണാദയ..)
2
ഇന്നയോളം തുണച്ചവന്‍
എന്നുമെന്നും തുണയ്ക്കുന്നോന്‍
വന്ദിക്കുന്നു നിന്‍ പാദത്തില്‍
നന്ദിയോടെ ഞാന്‍ (2)
ജീവനാളെല്ലാം സ്തോത്രയാഗത്താല്‍
സ്തുതിച്ചിടുമേ അരികില്‍ നീ എന്നും ഇല്ലയോ (കരുണാദയ..)
2nd song
എല്ലാം നന്മയ്ക്കായ്‌ നല്‍കും നല്ല നാഥനേ
നീയെന്നഭയം എന്നും രക്ഷാസങ്കേതം
നീയില്ലെങ്കിലെന്‍റെ ജീവിതം ശൂന്യം
നീയില്ലെങ്കിലെന്‍റെ ജീവിതം ധന്യം
1
എങ്ങനെയിന്ന് ഇനി നാളെയെന്താകും
എന്താണിങ്ങനെ എനിക്കെന്തുകൊണ്ടിത്
നിനവുകളെല്ലാം മുന്നമേയവന്‍
അറിഞ്ഞവനുള്ളില്‍ ധൈര്യമതേകി
വഴി നടത്തി എത്ര അതിശയമായ്‌
നന്ദിയുണ്ടെന്നും നാഥാ നിന്‍ കൃപ മതി (എല്ലാം..)
2
മുന്നില്‍ ചെങ്കടല്‍ പിന്നില്‍ ഫറവോന്‍ സൈന്യം
എല്ലാം തകര്‍ന്നു ഇനി ജീവിതം വേണ്ട
വിചാരങ്ങളെല്ലാം മുന്നമേയവന്‍
അറിഞ്ഞവനുള്ളില്‍ ആശകളേകി
വഴി നടത്തി എത്ര അതിശയമായ്‌
നന്ദിയുണ്ടെന്നും നാഥാ നിന്‍ കൃപ മതി (എല്ലാം..)
3
രോഗം മാറില്ല ലോകം വിധിയെഴുതി
ശോകം നിറഞ്ഞു മനം ഭീതിയിലായി
ആകുലങ്ങളെല്ലാം മുന്നമേയവന്‍
അറിഞ്ഞവനെന്നില്‍ വിടുതല്‍ നല്‍കി
വഴിനടത്തി എത്ര അതിശയമായ്‌
നന്ദിയുണ്ടെന്നും നാഥാ നിന്‍ കൃപ മതി (എല്ലാം..)
No comments:
Post a Comment